ItihaasakGurudwaras.com A Journey To Historical Gurudwara Sahibs

ENGLISH     ਪੰਜਾਬੀ     हिन्दी   

ਗੁਰਦਵਾਰਾ ਸ਼੍ਰੀ ਬਾਲ ਲੀਲਾ ਸਾਹਿਬ ਮੈਨੀ ਸੰਗਤ ਬਿਹਾਰ ਰਾਜ ਦੇ ਪਟਨਾ ਸ਼ਹਿਰ ਵਿਚ ਮੋਜੂਦ ਇਹ ਸਥਾਨ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਬਚਪਨ ਦੀ ਯਾਦ ਵਿਚ ਬਣਿਆ ਹੋਇਆ ਹੈ | ਗੁਰੂ ਗੋਬਿੰਦ ਸਿੰਘ ਜੀ ਦਾ ਜਨਮ ਮਾਤਾ ਗੁਜਰੀ ਜੀ ਦੀ ਕੁਖੋਂ ਤਖਤ ਸਾਹਿਬ ਸ਼੍ਰੀ ਹਰਿਮਂਦਿਰ ਜੀ ਪਟਨਾ ਸਾਹਿਬ ਵਿਖੇ ਹੋਇਆ | ਇਹ ਸਥਾਨ ਤਖਤ ਸਾਹਿਬ ਸ਼੍ਰੀ ਹਰਿਮਂਦਿਰ ਜੀ ਪਟਨਾ ਸਾਹਿਬ ਦੇ ਪਿਛਲੇ ਪਾਸੇ ਵਲ ਸਥਿਤ ਹੈ | ਇਹ ਸਥਾਨ ਪਟਨਾ ਦੇ ਰਾਜੇ ਫ਼ਤਿਹ ਚੰਦ ਮੈਨੀ ਦਾ ਮਹਿਲ ਸੀ | ਰਾਜੇ ਦੇ ਕੋਈ ਐਲਾਦ ਨਹੀ ਸੀ | ਇਸ ਕਾਰਣ ਉਸ ਦੀ ਰਾਣੀ ਦਾ ਬਾਲ ਗੋਬਿੰਦ ਰਾਏ ਜੀ ਨਾਲ ਬਹੁਤ ਪਿਆਰ ਸੀ | ਗੁਰੂ ਸਾਹਿਬ ਵੀ ਅਕਸਰ ਖੇਡਣ ਲਈ ਇਥੇ ਆਇਆ ਕਰਦੇ ਸਨ | ਰਾਣੀ ਨੇ ਬਾਲ ਗੋਬਿੰਦ ਰਾਏ ਜੀ ਵਰਗੇ ਬੱਚੇ ਦੀ ਇੱਛਾ ਜਤਾਈ | ਪਰ ਗੁਰੂ ਸਾਹਿਬ ਨੇ ਰਾਣੀ ਨੂੰ ਦੱਸਿਆ ਕੇ ਉਹਨਾਂ ਜਿਹਾ ਕੋਈ ਨਹੀਂ ਹੈ ਅਤੇ ਗੁਰੂ ਸਾਹਿਬ ਰਾਣੀ ਦੀ ਗੋਦ ਵਿਚ ਬੈਠ ਗਏ ਅਤੇ ਕਿਹਾ ਕੇ ਅਜ ਤੋਂ ਬਾਅਦ ਮੈਂ ਤੁਹਾਡਾ ਪੁੱਤਰ ਹਾਂ ਅਤੇ ਤੁਸੀ ਮੇਰੇ ਧਰਮ ਮਾਤਾ ਹੋ ਅਤੇ ਨਾਲ ਹੀ ਵਰ ਦਿਤਾ ਕੇ ਇਸ ਦੁਨੀਆ ਵਿਚ ਤੁਹਾਡਾ ਨਾਂ ਮੇਰੇ ਨਾਂ ਨਾਲ ਲਿਆ ਜਵੇਗਾ | ਗੁਰੂ ਸਾਹਿਬ ਨੇ ਰਾਣੀ ਸਾਹਿਬਾਂ ਨੂੰ ਦੱਸਿਆ ਕੇ ਉਹਨਾਂ ਅਤੇ ਗੁਰੂ ਸਾਹਿਬ ਦੇ ਸਾਥੀਆਂ ਨੂੰ ਭੁੱਖ ਲਗੀ ਹੈ | ਰਾਣੀ ਸਾਹਿਬਾਂ ਨੇ ਛੋਲ਼ਿਆਂ ਦੀਆਂ ਘੂੰਗਣੀਆਂ ਅਤੇ ਪੂਰੀਆਂ ਸਾਰੇ ਬਾਲਕਾਂ ਨੂੰ ਦਿੱਤੀਆਂ | ਅਜ ਵੀ ਇਥੇ ਪ੍ਰਸ਼ਾਦ ਦੇ ਰੂਪ ਵਿਚ ਛੋਲ਼ਿਆਂ ਦੀਆਂ ਘੂੰਗਣਿਆਂ ਅਤੇ ਪੂਰੀਆਂ ਦਾ ਪ੍ਰਸ਼ਾਦ ਦਿੱਤਾ ਜਾਂਦਾ ਹੈ | ਇਸ ਸਥਾਨ ਤੇ ਗੁਰੂ ਸਾਹਿਬ ਨੇ ਵਰ ਦਿੱਤਾ ਕਿ ਜੋ ਵੀ ਯਾਤਰੀ ਪਟਨਾ ਸਾਹਿਬ ਆਏਗਾ ਉਸ ਦੀ ਯਾਤਰਾ ਤਾਂ ਹੀ ਪੂਰੀ ਹੋਵੇਗੀ ਜੇ ਉਹ ਇਸ ਸਥਾਨ ਤੇ ਆਏਗਾ |

ਤਸਵੀਰਾਂ ਲਈਆਂ ਗਈਆਂ :- 16-Nov, 2010.
 
ਗੁਰਦਵਾਰਾ ਸਾਹਿਬ ਗੂਗਲ ਅਰਥ ਦੇ ਨਕਸ਼ੇ ਤੇ
 
 
  ਵਧੇਰੇ ਜਾਣਕਾਰੀ :-
ਗੁਰਦਵਾਰਾ ਸ਼੍ਰੀ ਬਾਲ ਲੀਲਾ ਸਾਹਿਬ, ਪਟਨਾ ਸਾਹਿਬ

ਕਿਸ ਨਾਲ ਸੰਬੰਧਤ ਹੈ :-
  • ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ (ਬਾਲ ਗੋਬਿੰਦ ਰਾਏ ਜੀ )


  • ਪਤਾ:-
    ਪਟਨਾ
    ਪਟਨਾ ਸ਼ਹਿਰ
    ਰਾਜ :- ਬਿਹਾਰ
    ਫ਼ੋਨ ਨੰਬਰ:-

    Accomodation Available :- Yes
     

     
     
    ItihaasakGurudwaras.com